Pasadan maiatzean, Bizkaiko intsinis pinuen 3.000 tona enborki abiatuko ziren itsasontzian Bermeoko portutik Europaren erdialderantz. Euskadin egiten den mota honetako lehen jarduera komertziala da, Euskal Herriko basogintza elkarteek azken urteotan beraien produktuei irteera emango dieten merkatu berrien bila egin dituzten ahaleginen ondorioz tokiko basogintza enpresekin lagunduz. Gure Herriak nazioartera zabaltzeko hartu duen erronkarako finkatutako estrategia komunaren baitan, elkarteei tokiko merkatuetara ez ezik merkatu berrietara iristen laguntzeko asmoz, Bizkaiko Foru Aldundiarekin eta Eusko Jaurlaritzarekin elkarlanean aritu eta gero etorritakoa.

Altzari industriaren eta eraikuntza sektorearen tokiko merkatuen erorketak eta hainbat hondamendi natural direla-eta azken hamarkadan gure basoen ustiapen mailak behera egin du. Euskal Herriko azken Baso Inbentarioak erakusten duenez, gure erkidegoan zuhaiztien lur azalera handituz doa etengabe, basoen azalera bezala, ahal dena baino nabarmen gutxiago ustiatzen direlako.  Horren ondorioz, Euskadin dugu zuhaitz helduen egurraren orain arteko stockik handiena.

Nazioarteko merkatuetan sartzea da une honetan dugun irtenbiderik hoberena gure basoetako baliabideak mugitzeko eta enpresa jarduera eta enpleguak aktibatzeko. Izan ere, jarraitu egingo da tokiko industriak egurrez hornitzen eta, horretaz aparte, beste leku batzuk gehituko dira produzitzen den egurra bidaltzeko, bide batez baso masa berrituz.  Euskal erakundeek nazioartekotzearen alde egindako apustua, kasu honetan, Eusko Jaurlaritzak eta Bizkaiko Foru Aldundiak basogintza elkarteei merkatu berriak bilatzeko antolatu daitezen eman dieten laguntzaren bitartez gauzatu da.

Maiatzean intsinis pinuekin kargatuta Bermeotik atera zen itsasontziaren pleita posible izan da hainbat euskal enpresak emandako laguntzari esker, bai eta Frantziako basogintza kooperatiba batek merkatuak aztertzeko eta nazioarteko bezero handiei bolumen, kalitate eta epeei dagokienez erantzun egokia eman ahal izateko eskaini duen aholkularitzagatik ere. Hala, iazko abuztuan, proba pilotu bat egin zen Pasaiatik atera zen itsasontzi batekin. Itsasontziak 3.500 tona intsinis pinurekin atera zen portutik eta oraingoan karga zuzentzen zaion bezero berarentzat zen, oraingoan bezero horrek produktu gehiago bidaltzeko eskatu baitu.

Kontuan hartu behar da Euskal Herria dela intsinis pinuaren ia ekoizle bakarra Europan eta horregatik beharrezkoa izan dela egurraren ezaugarriak eta bere erabilera aukerak ezagutzera ematea egurra transformatzen aritzen diren enpresa handiengan interesa pizteko.

Merkaturatzeko bide honek denbora jarraipena izango du eta espero da datozen hiletan itsasontzi gehiago abiatzea Euskal Herriko egurrez kargatuta Europako merkatuetarantz. Proiektu honetan Bizkaiko baso ustiapenerako enpresekin ere ari gara elkarlanean, eraldatutako produktuetarako merkatuen bila, horrek landa guneetan jarduera, enplegua eta aberastasuna areagotzea ekarriko duelakoan.

Aukera Busturialdeko sektorerako

Busturialdeko eskualdea krisiak gehien astindu duenetako bat izan da, eta egurraren sektorea ez da egoera horretatik libratu, eskualdean egurraren eraldaketan aritzen diren hainbat enpresa itxi behar izan direlarik. Merkaturatzeko bide berri hau zonaldeko jarduera ekonomikoa suspertzeko abiapuntua izan daiteke, Bermeoko portua ustiapen lekuetatik hurbil baitago eta horrek eragiketa komertzialetarako bidea ematen du.

Bermeoko portutik esportatzeko abiarazitako proiektu hau Euskal Herriko basogintza elkarteek nazioartera zabaltzeko hasitako ekimenetako bat da, Euskadiko hainbat lekutatik jarduera komertzialetarako irtenbideak bilatzen baititu, betiere tokiko industrien horniketaren osagarri gisa eta gure basoetan dagoen egur stocka modu iraunkorrean ustiatzeko helburuaz. Badira ere beste erronka batzuk, esaterako gure egurra nazioarteko merkatuetan sustatzea, ekimen hau jabe gehiagorengana helaraztea, enpresa gehiagorekin elkarlanean hastea, merkatu gehiago bilatzea eta garraioko kostu logistikoetan hobekuntzak egitea, eta horietan denetan lanean jarraitzen dugu.