Presako Berriak

PEFC Basoen Jabetza Bereziko albiste buletin berria

Ziurtatutako finken eta azaleren jabeen eta baso-kudeatzaileen kudeaketa iraunkorrarekiko konpromisoa PEFCk kaleratu berri duen albiste-buletin berri honetan islatzen da.

Irakurri gehiago

BIZKAIKO BASOGINTZA ELKARTEAREN EGOITZA NAGUSIAREN LEKU ALDAKETA

Bizkaiko Basogintza Elkarteak, ezaguna zenez, duela ia 30 urtetik Galdakaoko Erletxe (Gumuzio auzoa) eskola zaharretan zuen egoitza. Kokapen hori Bizkaiko Foru Aldundiaren, Galdakaoko Udalaren eta Bizkaiko Basogintza Elkarteen arteko hiru aldeko akordioaren emaitza zen.

Bai instalazioengatik, bai kokapenagatik, bai instalatutako ia 30 urteengatik, uste dugu Erletxe zela gure antolaketarako lekurik onena, eta horregatik Bizkaiko Basogintza Elkarteak, Bizkaiko Foru Aldundiaren laguntzarekin, gogor lan egin du akordio hori berritzeko.

Galdakaoko Udalak emandako ezezko erabatekoaren ondorioz, ezinezkoa izan da inolako akordiorik edo hitzarmenik lortzea. Hori dela eta, Bizkaiko Basogintza Elkarteak Amorebieta-Etxanora joan behar izan du (Anboto kalea 1, behea – anbulatorioaren aurrean – telefonoak mantentzen dira). Gaur egungo kokapen hori oso mugatua da espazioan, eta egoitza zaharrean ematen genituen zerbitzu batzuk baldintzatzen dizkigu, eskualdeko bulegoetara transferitu behar genituelarik, baina lanean ari gara epe laburrean edo ertainean Erletxen genituen antzeko ezaugarriak dituen eta gure Elkartearen beharrak asetzen dituen kokapen batean instalatu ahal izateko.

Jakinaren gainean edukiko zaituztegu, barkatu eragozpenak eta eskerrik asko ulertzeagatik.

Aitor Onaindia, Basoa Fundazioako zuzendaria: “Iazko abuztuan egondako sikate maila uztailaren erdirako gainditu dugu aurten”

Aitor Onaindia Bereziartua (Durango, 1976) baso ingeniaria eta Basoa Fundazioko zuzendari teknikoa da. Joan zen astean Garain egon zen berez ernatzen diren basoen kudeaketa praktikoari buruzko tailerra eskaintzen. Klima aldaketan sartuta gaudela eta basoek egunotako beroak igarri dituztela dio.

Irakurri gehiago

KONIFEROEKIN BASO LANDAKETAK. ZEIN AUKERA DAGO ?

USSErekin batera eta UPV/EHUren uda ikastaroen barne, 2022ko uztailaren 11 eta 12an, konifero landaketei buruzko ikastaroa burutu berri dugu. Ikastaro honek, sekulako arrera ona izan du. Ikerketa, lan esparru eta gizarteko arlo desberdinetan erakargarritasun handia piztuaz, era guztietako ordezkari ugari gerturatu zaizkigu.

Lehen egunean alor generikoagoak landu ditugu. Koniferoei buruzko azterketa zabala bai, baina orokorragoa. Honela, lehen eguneko jarduna, konifero zuhaitzen garapen biologikoa aztertuaz hasi genuen, berauen egur ekoizpena bereziki. Gero, era honetako basoak zenbatean eta nun ditugun landatuak ikusi dugu. Konifero espezie bakoitzaren nundik norako horretan, radiata pinuaren beherako bilakaaera ikusiaz. Lehen egun honetako hirugarren jarduna, konifero egur merkatua nola aukitzen den eta izan dezakeen bilakaera aztertuaz burutu dugu. Amaitzeko, hizlariak mahai inguru batean batu ditugu gai horietan oraindik gehiago sakontzeko.

Bigarren egunean espezie konkretu batzuen basogintza eta egur erabilpena izan da hizpide: Criptomeria, Sekuoia, Zedroa eta Itsas pinua. Izan ere, hauek dira egun euskal isuri atlantiarrean gehien landatzen gabiltzan konifero espezieak. Bakoitzetik, sakon eta luze, berauen berri eman digun aditu bana etorri da. Badirudi, lau espezieak euskal isurialde kantauriarrean egoki garatzeko aukera izan dezaketela eta egur merkatura balio handiko ekoizpena eskaintzeko potentziala ere badakartela. Irtenbide on izan dakizkigu.

Bai bertatik bertara hitzaldiak jarraitzera etorrita naiz on line jarraitzen zebiltzan partaideen ekarpena oso aktiboa izan da. Hala, ageriko gelditu da landutako gai hauek pizten duten interesa eta gizarteak alor honetan lan egin dadin duen premia.  

BIZKAIKO LURRALDE HISTORIKOKO BASO-LANDAKETEN JOERA

Banden gaixotasunak galera handiak eragin ditu Bizkaiko Lurralde Historikoko basoetako ekosistema-zerbitzuetan, eta, gainera, aldaketa handia eragin du bertako baso-mendigunean.

Hasiera batean, gaixotasun horrek 2018an eragin handia izan ondoren, eta intsinis pinua mendiak landatzeko aukera gomendagarria ez zenez, baso-jabetza pribatuaren ehuneko handi batek Eucaliptua landatzea erabaki zuen. Hala ere, ikusi da portzentaje hori nabarmen jaitsi dela, 2021 – 2022ko azken landaketa-kanpainako datuek erakusten digutenez.

Oso garrantzitsua da landaketei buruzko datu horiek behatzea eta aztertzea, dela azalerari buruzkoak, dela espezieei buruzkoak, dela jabeei buruzkoak, baina ez da alde batera utzi behar mozketaren ondoren landatzeari uzten zaiona, adierazle garrantzitsua baita Baso Kudeaketa Iraunkorraren abandonu-maila jakiteko.

Irakurri gehiago

KRIPTOMERIA ETA SEKUOIA GIPUZKOAN ERROTZEN DOAZ

Kriptomeriak eta sekuoiak 825 hektarea irabazi dituzte azken urtean, eta Gipuzkoako basoberritzearen espezie nagusiak dira

Gipuzkoako Baso Elkarteak, Gipuzkoako jabeen elkarteak, lurraldeko zuhaitz-masen egoerari buruzko urteko txostena egin du bigarren urtez jarraian. Bertan, intsinis pinuaren atzerakada geldiezina egiaztatzen da. Bere lekua kriptomeria eta sequoia sempervirens zuhaitzak betetzen ari dira. Bi espezie horiek berbasotzearen buru dira, eta gure lurraldeko 3.100 hektarea baino gehiago hartzen dituzte jadanik, urtean 800 hektarea inguruko erritmoan.


Intsinis pinuak Gipuzkoako zuhaitz-masaren % 22,6 hartzen du gaur egun; duela bost urte, berriz, % 35era iristen zen. Azken hiru urteetan ez da hektarea bakar bat ere birlandatu, baina oraindik ere Gipuzkoako espezierik hedatuena da.


HAZI-k egindako baso-mapa berriak egiaztatzen du, halaber, hamarkada batzuetan lehen aldiz hostozabalek ( % 50,2) azalera handiagoa hartu dutela Gipuzkoan koniferoek baino ( % 49,8).


Baso-uzteak, bestalde, GEBEren kezka nagusia izaten jarraitzen du, utzitako mendiak handitzen jarraitzen duelako eta zuhaitz-azalera osoaren % 16 gainditzen duelako.

Irakurri gehiago