Azaroaren 8tik azaroaren 30ra, “Bosque Country. Egurraren Herria “erakusketak Gipuzkoako 7 udalerri zeharkatuko ditu: Arrasate-Mondragon, Donosti-San Sebastian, Eibar, Tolosa, Zarautz, Irun eta Errenteria.
PEFC Euskadiren ekimen bat, baso-zuraren katea osatzen duten pertsona eta erakunde guztiei balioa ematen diena.
Animatzen zaituztegu erakusketa ibiltari hau bisitatzera eta gure lurraldeak Gipuzkoako baso-kudeaketa iraunkorrean duen papera ezagutzera.
AZAROA
Eguna Udalerria/Herria Eguna Udalerria/Herria
| 8 y 9 | ARRASATE – MONDRAGÓN | 26 y 27 | ERRENTERIA |
| 12 y 13 | TOLOSA | 28 y 30 | IRUN |
| 14 y 16 | DONOSTI – SAN SEBASTIAN | ||
| 19 Y 20 | ZARAUTZ | ||
| 21 Y 23 | EIBAR |
Kanpainaren edukia eta Gipuzkoako basoen panoramika biltzen dituen kamioia da, eta euskal lurraldean barrena ibiliko da, basoen eta zuren sektorea euskal herri eta hirietara hurbiltzeko.
Ekimen honen helburua tokiko zuraren aldeko apustua egitearen garrantzia nabarmentzea da, karbono gutxiko baso-ekonomia zirkular baten oinarri gisa. Material fosilen eta petrolioaren eratorrien aurrean, modu iraunkorrean kudeatutako egurrak alternatiba berriztagarri bat eskaintzen du, emisioak murrizten laguntzen duena. Horretarako, kanpainak eraldaketa hori posible egiten duten pertsonak ikusarazten ditu: mendiak zaintzen eta birsortzen dituen baso-jabetza, kudeaketa arduratsua bermatzen duten baso-lanen enpresak, eta zura eraikuntzarako, altzarietarako edo enbalajerako produktu berritzaile eta jasangarri bihurtzen duten industriak.
HEZKUNTZA, ESPERIENTZIA MURGILTZAILEAK ETA SEI ISTORIO
Kamioia bisitariek basoaren eta zuraren sektorearen balio-katean zehar ibiltzeko, ikus-entzunezko eduki digitalekin elkarreragiteko eta modu ludikoan ikasteko gune bihurtzen da.
Pantaila batzuetan, halaber, kanpainaren protagonisten bideoak proiektatuko dira. Bideo horiek balio-katearen fase desberdinak eta herritarrek basoekin duten harremana irudikatzen dituzte, eta bisitariei sektore osoa ezagutzeko eta ulertzeko aukera ematen diete, basoak zaintzen dituztenen, zura eraldatzen dutenen eta gizarte-, ekonomia- eta ingurumen-onurak sortzen dituztenen lana ikasiz:
“Hemen hazten da etorkizuna” – María José Zubillaga, familia-basoak zaintzen dituen baso-jabetzaren ordezkaria.
“Baso kudeatuak, baso seguruagoak” – Iñaki Garmendia, kudeaketa iraunkorra, biodibertsitatea eta mendien segurtasuna bermatzen dituen basozaina.
“Moztutako zuhaitz 1, landatutako 6 zuhaitz” – Alexander Olmos Gil, basoak osasuntsu mantentzen dituen baso-langilea eta tokiko zur berriztagarria hornitzen duena.
“Hemengo zura kontsumitzen du, Km0rena” – Arturo García Arceo, bertako produktu iraunkorrak sortzen dituen eraldaketaren profesionala.
“Gure egurrak zure CO2 aztarna murrizten du” – Begoña Herrera, emisioak murrizteko material jasangarri eta lokalen aldeko apustua egiten duen herritarra.
“Basoak zaintzen ditut, haiek zaintzen naute” – Garazi Ayo Larrinaga, etorkizuneko baso-ingeniaria, herritarrek ingurunearekin duten lotura eta hura hobetzeko nahia islatzen duena.
Animatzen zaituztegu erakusketa ibiltari hau bisitatzera eta gure lurraldeak Gipuzkoako baso-kudeaketa iraunkorrean duen papera ezagutzera.