Bizkaiko Foru Aldundiak, Balmasedako Udalak, Bilbao BBK Livek eta Basoa Fundazioak “Basoa Bizi” proiektuaren emaitzak aurkeztu dituzte. Proiektu aitzindaria da, ingurumena lehengoratzea, hezkuntza eta iraunkortasuna uztartzen dituena, Enkarterriko Balmaseda udalerrian 2022an izandako baso-suteak kaltetutako hektarea guztietatik 16,17 ha berreskuratzeko, azken hori baita larriena Bizkaian 30 urtean.
Ekimenak 16:17 hektareako baso-berritzea, 11.394 zuhaitz landatzea, dibulgazio-jardunaldiak, ikasleekin eta publiko orokorrarekin landatzeko saioak, bisita gidatuak eta ingurumenarekiko kontzientzia sustatzeko koaderno didaktikoa biltzen ditu. Gainera, haren karbono-aztarna kalkulatu da eta konpentsazio-neurriak ezarriko dira, lurralde jasangarri batekiko konpromisoa indartuz.
