GIPUZKOAKO BASO ELKARTEA
Erakunde autonomoa, irabazi-asmorik gabea, beste gizarte-erakunde batzuekiko independentea, bere bazkideen borondatearen arabera soilik arautzen dena.
Elkartearen eskumenak, nortasun juridiko osoa dutenak, elkarteko kideen interes kolektibo edo indibidualaren araberakoak izango dira, haien jarduerei eta baso-jabe gisa dituzten interesen defentsari eragiten dieten gai guztietan.
ZERBITZUAK
Gipuzkoako Baso Elkartea (GEBE) 1985ean sortu zen, eta gaur egun 2.794 bazkide biltzen ditu, lurralde historiko horretako jabetza pribatuaren % 50 inguru kudeatuz.
BASO JABETZAREN INTERESAK DEFENDATZEN DITUGU
ZURE INTERESEKIN LERROKATUTA
Baso-jabetza pribatua ordezkatzea tokiko, eskualdeko, nazioko eta nazioarteko administrazioen aurrean, eta araudi berrien eztabaida-foroetan parte hartzea, baso-erabileraren murrizketen aurrean jabetzaren interesak defendatuz.
LANKIDETZA ETA PRESENTZIA BASO INTERESEKO PROIEKTU BERRITZAILEETAN
Modu integratuan eta kooperatiboan lan egiten dugu hainbat eragilerekin, basogintza-sektorean abangoardiako proiektuak gauzatu ahal izateko.
JABETZARI LAGUNTZA INTEGRALA EMATEA MENDIEN BASO-KUDEAKETA IRAUNKORRERAKO
ERANTZUKIZUN ZIBILEKO ASEGURUA
Bazkide guztiek erantzukizun zibileko asegurua dute, euren mendietako zuhaitzek hirugarrenei eragin ditzaketen kalteak estaltzen dituena.
APARTEKO BASO ASEGURUA
Bazkide guztiek aparteko aseguru bat kontratatzeko aukera dute urtero, sute, uholde-euri, haize urakanatu eta elurragatik kaltetuak izan diren lursailen kalteordaina landaketa berri baten kopurua izango da.
AHOLKULARITZA JURIDIKOA
Bazkide guztiek aholkularitza juridiko espezializatua jasotzeko aukera dute basoen jabetza eta kudeaketari buruzko gaietan. Aholkularitza horren bidez, mugarriekin, zorbideekin, kalte-ordainekin, kontratuekin ( basolan edo egur salmenta) edota beste edozein gairekin izan ditzakegun arazoak edo kezkak argitzen lagunduko digute.
AHOLKULARITZA TEKNIKOA ETA PRESTAKUNTZA
Gure bazkideei basogintza aholkularitza eta laguntza ematea, mendien baso kudeaketa jasangarria egin dezaten. Araudiak, basogintzarako laguntzak eta baso osasuneko gaiak ezagutaraztea, salmentetan laguntzea, mendietara bisita teknikoak egitea, espezieak aukeratzea, inausteko metodoak, errenta aitorpenarekin laguntza…
MENDIEN TASAZIOAK
Tasazio txostena: bazkidearentzat beharrezkoa den tresna bat lantzea, bere egurra merkatuan egoki jartzeko. Elkarteak basoan bertan egiten ditu neurketa-lan horiek, eta dagokion Kubikazio eta Tasazio Txostena egiten du.
BALORAZIOAK
Lursailen transakzio egoki eta zuzena bermatzeko beharrezkoak diren balorazio-dokumentuak ematea. Balorazioak, banaketak, mapak eta abar. Suteek, ganaduak, desjabetzeek eta abar eragindako kalteak ere baloratzen ditugu.
PLANOAK JASOTZEA ETA MUGARRIAK ZEHAZTEA
Jabetzari laguntza topografikoa-geografikoa ematea, GPS jasotze bidez definituz. Planoak jasotzea.
LANAK ETA TXOSTENAK
Kudeaketa jasangarriko planak egitea, baso-pistak, ingurumen-azterketak, balorazioak, entresakak, pistak markatzea eta abar.
BASO KUDEAKETA BERMATUA (BKB)
BKB (Baso Kudeaketa Bermatua) Gipuzkoako Baso Elkarteak eskaintzen duen zerbitzua da. Zure mendiak kudeatzeko laguntzarik behar baduzu, zure behar eta nahietara egokitutako proposamena egingo dizugu: zeuk erabaki zein mendi eta nolakoa nahi duzun eta lagunduko dizugu. Basoen kudeaketa integrala eta egin beharreko basogintza lanak elkartearen eskuetan uzteko aukera ere ematen dizugu. Edozein motako basoetarako, izan landaketa zein berez etorrikoa. Bai konifero eta bai hostozabal.
BASO OSASUNA
Baso-osasuneko gaietan aholduak ematen ditugu eta landareen afekzioen, lurzoruaren kalitatearen eta abarren langinak aztertu nahi dituen bazkide orok Elkartearen bitartez egin dezake.
BASO LANDAREA HORNITZEA
Mintegia izateaz gain, Elkarteak mota guztietako espezieen baso-landareak merkaturatzen ditu, eskaerak bilduz eta banatuz.
PRESTAKUNTZA
Baso-kudeaketa jasangarriari buruzko prestakuntza-ikastaroak egiten dira aldizka, baita gaurkotasuneko gaiei buruzko hitzaldiak eta jardunaldiak ere.
INFORMAZIOA ETA ZABALKUNDEA
Bazkideek albiste garrantzitsuen berri izaten dute, kanal desberdinetatik bidaltzen dizkiegun zirkular eta komunikazioen bidez. Bestalde, www.basoa.org web orrialde honetan bertan, basogintzaren inguruko albiste, ohar, prestakuntza-ikastaro, hitzaldi, kongresu eta abarri buruzko informazioa duzue, etengabe eguneratua. Sare sozialetan ere presentzia mantentzen dugu eta aldizka boletin digitalak eta sei hilabetero gure aldizkaria (Euskadi Basogintza) argitaratzen dira.
NOLA EGIN BAZKIDE
Gipuzkoako Baso Elkartea (GEBE) bazkide gisa alta emateko beharrezkoa da bazkidearen fitxa beteta eta sinatuta helaraztea.
Aplikatu beharreko tarifak Ohiko Batzar Nagusian aho batez onartutakoak dira.
GURE ZEHARKAKO ERAKUNDEAK
BASOEKIN
Hiru elkarteetatik sortutako sozietate mugatua da, eta zerbitzu hori behar duten bazkideen mendien baso-kudeaketa jasangarria egiteko tresna gisa sortzen da. Beharrezko baso-lanak planifikatzen laguntzen du, eta lan horiek egiteaz arduratzen da, izan lan puntualak edo izan kudeaketa integrala txanda osoan zehar.
