Urte honetan zehar, eta Nafarroako Rural Kutxaren babesarekin, hainbat hitzaldi eta jardunaldi egin dira hostotsu eta natural birsortutako zuhaitzen kudeaketari buruz. Horiek guztiak, toki entitateen ekimenez, hiru lurraldeetako eskualde ezberdinetan egindako baso-kudeaketara zuzendutako hezkuntza-jarduerak izan dira:
- Gipuzkoa : Olaberriako udaletxea.
- Bizkaia : Garaiko Udala eta Urkiola Landa Garapen Elkartea.
- Araba : Luiaondoko Administrazio Kontseilua eta Zabaia Landa Garapen Elkartea.
Eskualde bakoitzean egindako saioak bi ataletan garatu dira:
- Lehenengo atala : eskualde bakoitzean zur gogorren eta modu naturalean birsortutako basoen egoera eta bilakaera aztertuz, horietan zuhaitzen garapenari buruzko oinarri teoriko batzuk azaltzen dira. Kudeaketarako behar eta baldintzak, dauden behar eta aukerak sakondu dira horretarako.
- Bigarren atala : praktikara dedikatu da, baso-lanetara. Egur gogorreko eta baso natural birsortuetan egin beharreko lana aztertu da, zein denboratan egin behar den, horretarako erabil litezkeen tresnak eta nola erabili irakatsi da.
Eskualdez eskualde formazio saio horiez gain, eta Nafarroako Rural Kutxaren laguntzarekin, hosto-inausketari buruzko saio komun bat ere garatu dugu nekazaritza-irakaskuntzara bideratutako hiru euskal hezkuntza-zentroetako irakasleekin. Gipuzkoako Fraisoro Nekazaritza Eskolako, Bizkaiko Derioko Nekazaritza Eskolako eta Arabako Murguía DBHko irakasleak, Basoa Fundazioko ordezkariekin batera, Euskal Mendi Federazioko eta Aramaioko Udaleko basoetan bildu dira. Besaide mendian hostodun zuhaitzak nola, noiz eta zerrekin inausi ikusteko.
Komentatu diren egun hauetan guztietan, jendea interes handiz etorri da. Egur gogorren kudeaketak eta birsorkuntza naturalak jakin-mina sortzen du gure gizartean eta zentzu horretan hezkuntza eskatzen da. Horregatik, datorren urterako, Nafarroako Rural Kutxarekin akordio berri bat lortzeko eta mota honetako hezkuntza-ekimen gehiago eskaintzeko lanean ari gara.